guapa
29.06.2022
cómo de guapa ye la vida
que cuando te ta doliendo
sigue esparnada nes ceres
en bolses de basura xuntu al contenedor
n'ensames colos güeyos como platos
acechantes nes nueches calientes,
la vida que pinga de los xelaos
sobro'l suelu polvoriento
mancha los pies hasta volvelos cueru
cómo de guapa ye cómo
que se güel puerca
al llevantase'l vientu cola entrada del metru
la vida ye incontenible
cuando duel
y toos siguen esbarrumbaos
nos balcones
nes ventanes
nos bordiellos
na terraza del bar Manolo
baxo la lluna de branu